Chavara Excellence Awards 2025 – Say No to Drugs & Yes to Life | Kerala Governor Rajendra Arlekar at Sacred Heart College Thevara

Thursday, June 12, 2025

തേവര സേക്രഡ് ഹാർട്ട് കോളജിലെ മാധ്യമ വിഭാഗമായ എസ്.എച്ച്. സ്‌കൂൾ ഓഫ് കമ്മ്യൂണിക്കേഷൻ യിലെ ഉന്നതവിജയികൾക്കായി വിദ്യാധനം ട്രസ്റ്റ് സ്ഥാപിച്ച ‘സെൻ്റ് ചാവറ എക്സലൻസ് അവാർഡുകൾ’ ഗവർണർ രാജേന്ദ്ര വിശ്വനാഥ് അർലേക്കർ വിതരണം ചെയ്തു. ചടങ്ങിനിടെ സംസാരിച്ച ഗവർണർ, യുവാക്കൾ ലഹരിയിൽ നിന്നും അകന്നുനിൽക്കണമെന്നും, പകരം ഉദ്ദേശ്യബോധംകൊണ്ട് മുന്നോട്ടു പോവണമെന്നും ആഹ്വാനം ചെയ്തു.

“ലഹരി യുവത്വം മാത്രമല്ല, ജീവിതത്തെ മുഴുവനായും നശിപ്പിക്കുന്നു. ഒരാൾ ലഹരിക്ക് അടിമയായാൽ സ്വന്തം ഭാവിയോടൊപ്പം കുടുംബത്തെയും സമൂഹത്തെയും അനിശ്ചിതത്വത്തിലേക്ക് തള്ളുന്ന നിലയിലേക്ക് നാം പോകുന്നു,” എന്നും അദ്ദേഹം ചൂണ്ടിക്കാട്ടി.

വിദ്യാർത്ഥികൾ നല്ല ലക്ഷ്യങ്ങളിലേക്ക് ശ്രമിക്കുന്നതിനു പ്രോത്സാഹനം നൽകുകയാണ് വിദ്യാധനം ട്രസ്റ്റിന്റെ പ്രധാന പ്രവർത്തനമെന്നും ഗവർണർ അറിയിച്ചു.

കോഴ്സ് ഓഡിറ്റോറിയത്തിൽ സംഘടിപ്പിച്ച ചടങ്ങിൽ വിദ്യാധനം ട്രസ്റ്റിന്റെ മാനേജിംഗ് ട്രസ്റ്റി പ്രഫ. കെ.വി. തോമസ്, എം.ജി. യൂണിവേഴ്സിറ്റി വൈസ് ചാൻസലർ ഡോ. സി.ടി. അരവിന്ദ് കുമാർ, സേക്രഡ് ഹാർട്ട് ഇൻസ്റ്റിറ്റ്യൂഷൻസ് മാനേജർ ഫാ. വർഗീസ് കാച്ചപ്പിള്ളി, കോളജ് പ്രിൻസിപ്പൽ ഡോ. സി.എസ്. എസ്. ബിജു, എസ്.എച്ച്. സ്‌കൂൾ ഓഫ് കമ്മ്യൂണിക്കേഷൻ ഡയറക്ടർ ബാബു ജോസഫ് എന്നിവർ പങ്കെടുത്തു